Ezagutu TFG-TFM MONDRAGON Sariak 2026 sarietako epaimahaia
TFG-TFM MONDRAGON Sariak 2026 sariek aurrera jarraitzen dute, eta dagoeneko kontsulta daiteke edizio honetan aurkeztutako lanak ebaluatuko dituen epaimahaia.
Kategoria bakoitzak planteatutako erronken ezagutza-eremuekin lotura duten pertsona adituak izango ditu. Helburua da proiektuak ikuspegi espezializatu batetik baloratzea, sektore bakoitzaren errealitatearekin konektatuta.
Sari hauen bidez, gaur egungo erronka nagusiei irtenbideak eskaintzen dizkieten Gradu Amaierako Lanak eta Master Amaierako Lanak aitortu nahi dira. Unibertsitatea eta enpresa konektatzen dituen ekimena da, eta talentu gaztea eraldaketarako motor gisa jartzen du balioan.
Edizio honetan, sariek bost kategoria nagusi dituzte:
- Eraldaketa Digitala – Danobatgroup: Danobat groupek bultzatutako kategoria honek adimen artifizialarekin, automatizazioarekin, robotikarekin, konektibitatearekin, zibersegurtasunarekin edo industria-prozesuen hobekuntzarekin lotutako lanak aitortzen ditu.
- Pertsonengan Oinarritutako Eraldaketa – MONDRAGON: MONDRAGONek bultzatutako kategoria honek talentuan, aniztasunean, inklusioan, lan egiteko modu berrietan eta pertsonak erdigunean jartzen dituzten antolaketa-ereduetan jartzen du arreta.
- Eraldaketa Energetiko-Klimatikoa – Fagor Taldea: Fagor Taldearen eskutik, kategoria honek deskarbonizazioarekin, ekonomia zirkularrarekin, energia-eraginkortasunarekin, jasangarritasunarekin eta ingurunearekiko arduratsuagoak diren ereduetarako trantsizioarekin lotutako lanak bilatzen ditu.
- Osasunaren eta Zaintzaren Eraldaketa – MONDRAGON Health: MONDRAGON Healthek bultzatzen duen kategoria hau osasunaren, zaintza soziosanitarioen, bioteknologiaren, ongizatearen, zahartzearen, digitalizazioaren eta osasun-arloan aplikatutako berrikuntzaren inguruko proiektuetan oinarritzen da.
- Finantzen Eraldaketa Gizartearentzat – LABORAL Kutxa: Laboral Kutxak sustatutako kategoria hau finantzen, jasangarritasunaren, gizarte-inpaktuaren, datuen, adimen artifizialaren, inbertsioaren, merkatuen edo arriskuen kudeaketaren inguruko ikuspegi berriak eskaintzen dituzten proiektuei zuzenduta dago.
Bost kategoria nagusiez gain, 2026ko edizioak hiru sari gehigarri izango ditu:
- Proiektu berritzaileena – IKERLAN
- Euskarazko proiektu onena – EIKA
- Gizarte-eragin handiena duen proiektua – Mundukide
Ez da beharrezkoa sari gehigarri hauetan izena bereizita ematea. Nahikoa da lana kategoria nagusietako batean aurkeztea; eta proiektua berrikuntzagatik edo gizarte-inpaktuagatik nabarmentzen bada, edo euskaraz idatzita badago, automatikoki hartuko da kontuan.
Izen-ematea zabalik dago irailaren 30era arte. Erronka horietako batekin bat datorren TFG edo TFM bat garatzen ari bazara edo aurkeztu baduzu, oraindik parte har dezakezu.
Kontsultatu epaimahaia, ezagutu kategoriak eta aurkeztu zure lana TFG-TFM MONDRAGON Sariak 2026 sarietara.
