MONDRAGONen inpaktu sozial positiboa izan nahi dugu. Kalitatezko aberastasuna eta enplegua sortzea eta komunitate solidarioak eta desberdintasun gutxikoak eraikitzen laguntzea da gure helburua. Gizarte-, kultura- eta ingurumen-beharrei modu positiboan lagundu nahi diegu, beste erakunde publiko edo pribatu batzuekin lankidetzan arituz eta gure kooperatiben errealitatetik abiatuz. Gaur egungo geopolitikak gero eta transakzionalagoa den mundu batera garamatza, non balio partekatuek pisua galtzen duten boterean eta interes propioan oinarritutako harremanen mesedetan. Testuinguru horretan, lankidetza funtsezko elementua da, hezkuntza, teknologia, azpiegitura edo gobernantza egokirik ezean, bizitza duina izan ezin duten milioika pertsona atzean ez uzteko. Mundukiden pertsona horiei lan- eta bizitza-aukerak eskaintzeko lan egiten dugu, gure esperientzia kooperatibotik abiatuta. Lanaren bidez gizartea eraldatzea da gure helburua.