Berritu egin behar dugu geroz eta paziente gehiago artatzeko, gure sistema soziosanitarioak gehiegi kargatu gabe. Tratamendu zehatzagoak eta selektiboagoak behar ditugu, laguntza eraginkorra, segurua, kalitatezkoa, eskalagarria eta guztiontzat irisgarria bermatuko dutenak.

OMEren arabera, historian lehen aldiz, biztanle gehienek 60 urte edo gehiagoko bizi-itxaropena dute. 2050erako, adin tarte horretako munduko populazioa 2.000 milioira iristea espero da. Pertsona horien arreta euren etxeetan izango da nagusiki, baina baita esparru soziosanitarioko zentro espezializatuetan ere. Gero eta garrantzi handiagoa hartzen ari dira zerbitzua hobetzeko proiektuak, bai etxean, bai zentro edo egoitzetan.

Teknologia sektorea eraldatzen ari da, telelaguntza, sentsoreak, wearable gailuak, osasun-aplikazio eta gailu mediko aurreratuak txertatuz, osasun-zerbitzuetarako sarbidea eta arretaren eraginkortasuna hobetzeko, batez ere digitalizazioarekin. Adimen Artifizialak eta datuen denbora errealeko analitikak arazoak aurreikus ditzakete, arreta pertsonalizatu eta hobetu edo tratamenduarekiko atxikimendua hobetu, baina, aldi berean, datuen gardentasunarekin eta erabilera arduratsuarekin konprometitzea eskatzen dute.