Keynote MGEP: “Técnicas de IA en la Ingeniería del Software y desarrollo de técnicas para la mejora de la robustez y la fiabilidad de los sistemas” ekimena

MGEPen azken Keynote-an, “Técnicas de IA en la Ingeniería del Software y desarrollo de técnicas para la mejora de la robustez y la fiabilidad de los sistemas” izenekoan, Ibai Román MGEPeko irakasle eta ikertzaileak eta Pablo Valle doktoregoko ikasleak Mondragon Unibertsitateko Software eta Sistemen Ingeniaritza taldearen ikuspegia eta proiektuak aurkeztu dituzte. Biek taldearen posizionamenduari buruz hitz egiten digute, baita sistemen kalitatea eta fidagarritasuna hobetzeko adimen artifizialaren aplikazioan duen ikuspegiari buruz ere. Aurkezpenean, Ibaik eta Pablok industria eraldatzen ari diren lau proiektu partekatu dizkigute:

1. DRAGON: algoritmo genetikoen bidez konfigura daitezkeen sistemetako arazketaren eta erroreen konponketaren kostua murriztea bilatzen duen proiektua.
2. MARMOT: sistema autonomoen sendotasuna eta segurtasuna areagotzera bideratua, denbora errealean anomaliak detektatuz.
3. TRUST4AI: Sevillako Unibertsitatearekin lankidetzan garatua, segurtasuna ebaluatzeko eta hizkuntza sortzen duten ereduetan alborapenak saihesteko metodoak aztertzen ditu.
4. PLIADES: Data Spacesen erabilera ikertzen duen proiektua, dagoeneko entrenatuta dauden adimen artifizialeko ereduak partekatzeko, erakundeen arteko lankidetza modu seguruan ahalbidetuz.

Proiektu horiek adimen artifizialak softwarearen ingeniaritzan duen eragina erakusteaz gain, lankidetzak eta berrikuntzak teknologia maila berrietara nola eramaten ari diren ere erakusten dute.