Keynote Mondragon Goi Eskola Politeknikoa: “Adimen Artifizialaren aplikazio kasuak” ekimena

Keynote honetan, Urko Zurutuzak, Mondragon Unibertsitateko Datuen Analisi eta Zibersegurtasun Ikerketa Taldeko koordinatzaileak, gaur egun lantzen ari diren AAko gairik garrantzitsuenak testuinguruan kokatuko ditu. Gainera, Aitor Agirre eta Ekhi Zugasti unibertsitate irakasle eta taldeko ikertzaileen eskutik, egiten ari diren bi proiektu ezagutzeko aukera izango dugu: AIO proiektua eta Dremind proiektua.

AAri buruzko ikerketa ildoa

Mondragon Unibertsitateko Datuen Analisi eta Zibersegurtasun Ikerketa Taldea 29 ikertzailek osatzen dute eta alde batetik, erabakiak hartzen laguntzen duten prozesuak eta teknologiak nola hobetu dezakeen lantzen dute eta beste alde batetik, konfiantza digitalaren alde lan egiten dute, gizartearen garapen lehiakorraren giltzarri gisa.

Zeri buruzkoa da AIO proiektua?

AIO edo Industria Optimizazio Adimendunak Gipuzkoako Foru Aldundiaren laguntza du, eta bere helburu nagusia egunerokoan egin beharreko AA teknikak, batez ere optimizaziokoak, Gipuzkoako sare industrialean aplikatzea edo transferitzea da.

Zertan datza Dreming proiektua?

Dreming edo DEEPlearning REcommended Manufacturing Imperfection Novelty Detection EDERTEKekin batera Ederlanentzat garatzen ari den proiektua da. Deep Learning erabiltzen da manufakturan agertzen diren akatsak detektatzeko.

Mota eta tamaina honetako proiektuek baliabideak behar dituzte, bai kualifikatutako pertsonenak, bai ekonomikoenak.