Mondragon Unibertsitateak martxan jarri du Alumni Hitzaldi Zikloa 2026ren bosgarren edizioa, eta sendotu egin da topagune gisa ikasle ohientzat, unibertsitate-komunitatearentzat eta egungo testuinguruko erronka nagusiak aztertu nahi dituzten profesionalentzat.

Kontsumo arduratsua, ziurgabetasun garaiko lidergoa, kultura eta sormena edota LEAN metodologien inplementazioa izango dira edizio honetako ardatz nagusiak. Ekimenak profil akademikoak eta jardunean dauden profesionalak elkartuko ditu. Saio guztiak zuzenean eta online formatuan jarraitu ahal izango dira, interesa duen edonorentzat sarbidea erraztuz.

Kontsumo ohitura berriak: tokikoa, jasangarria eta osasungarria

Otsailaren 24a · 11:00 (gaztelaniaz)

Lehen saioan kontsumo ohiturak nola aldatzen ari diren eta horrek enpresa eta erakundeentzat zer ondorio dituen aztertuko da. Jasangarritasuna, gertutasuna eta osasuna erosketa-erabakietan faktore erabakigarri bihurtu dira, eta hitzaldi honetan eskaera berriei erantzuteko gako estrategikoak landuko dira.

Parte-hartzaileak:

• Ainhoa Oyarbide, Eroskiko marka eta komunikazio zuzendaria
• Cinta Lomba, GOeko jasangarritasun arloko ikertzaile eta koordinatzailea
• Mikel Ochoa, Gureikeko proiektu zuzendaria

Saioa Izaskun Zurbitu irakasle ikertzaile eta negozio arloko koordinatzaileak moderatuko du.

Aldaketarako liderrak ziurgabetasun garaian

Otsailaren 24a · 15:00 (gaztelaniaz)

Aldakortasunak eta etengabeko eraldaketak markatutako testuinguruan, lidergoak garrantzi estrategikoa hartzen du. Mahai-inguru honetan antolakundeek agertoki berrietara azkar egokitzeko behar dituzten gaitasunak aztertuko dira.

Parte-hartzaileak:

• Jose Luis Abaunz, Mondragon Unibertsitateko Enpresagintza Fakultateko irakasle ohia
• Juan Andueza, DIMECOko zuzendari nagusia
• Usua Beitia, ALBADOCeko jabe eta zuzendaria

Moderazioa Nerea Lizarraga Enpresagintza Fakultateko irakaslearen eskutik etorriko da.

Kultura eta sormena: prestakuntza eta sektorearen erronkak

Otsailaren 24a · 17:00 (euskaraz)

Hirugarren saioak kultura eta sormenaren arloan jarriko du arreta, eraldaketa betean dagoen sektorea baita eta gaitasun zein prestakuntza eredu berriak eskatzen baititu. Erronka nagusiak aztertuko dira, bai ikuspegi akademikotik bai jardun profesional eta artistikotik.

Parte-hartzaileak:

• Onintza Etxebeste, Kultura eta Sormen Industrietako graduko koordinatzailea
• Josu Zubia, Euskal Kulturaren Dinamizazioko Masterreko ikasle ohia eta artista (Potx pailazoa)
• Ane Sarasketa, masterreko ikasle ohia eta Eibarko Iraleneko irakaslea

Saioa Eneko Bidegain Euskal Kulturaren Dinamizazioko unibertsitate masterreko koordinatzaileak moderatuko du.

LEAN inplementazioetako erronkak eta palankak

Otsailaren 25a · 12:00 (gaztelaniaz)

Azken hitzaldia LEAN metodologien aplikazio praktikoari eskainiko zaio, bereziki ekoizpen inguruneetan. Esperientzia errealen bidez, etengabeko hobekuntzaren kultura sendotzeko zailtasunak, ikaskuntzak eta arrakasta-faktore nagusiak aztertuko dira.

Parte-hartzaileak:

• Eneko Sampedro, Pierburg SAko Business Excellence Coordinator
• Javier Pascual, RPK Groupeko industria zuzendaria
• Arkaitz Aizpuru, Domusako ekoizpen arduraduna
• Beñat Osinaga, Mondragon Unibertsitateko irakasle eta ikertzailea

Moderazioa Argider Isasti Mondragon Unibertsitateko irakasle eta ikertzaileak egingo du.

---

Nola eman izena eta aurreko edizioak ikusi

Alumni Hitzaldi Zikloa 2026ko lau hitzaldiak zuzenean eta online jarraitu ahal izango dira. Parte hartzeko, beharrezkoa da zikloaren webgune ofizialean dagoen izen-emate formularioa betetzea.

Gainera, aurreko edizioetako gaietan sakondu nahi dutenek aurreko urteetako grabazioak eskuragarri dituzte Alumni komunitatearen bidez.

Bosgarren edizio honekin, Mondragon Unibertsitateak etengabeko ikaskuntzarekiko, networking profesionalarekiko eta etorkizuna markatuko duten erronken inguruko hausnarketa partekatuarekiko konpromisoa indartzen du.

Izen eman hemen

TFG–TFM MONDRAGON Sariak 2026 sarietarako deialdia ofizialki irekita dago jada. Shaking HUBek, MONDRAGON taldeko kooperatiba eta erakundeekin batera bultzatutako ekimen honen helburua da XXI. mendeko erronkei irtenbideak ematen dizkieten Gradu Amaierako Lan (TFG) eta Master Amaierako Lan (TFM) onenak aitortzea, berrikuntzan, jasangarritasunean eta pertsonak erdigunean jartzen dituen ikuspegian oinarrituta.

Talentu gazteari eta unibertsitatea-enpresa lankidetzari bultzada

TFG–TFM MONDRAGON Sariak sariak plataforma bat dira unibertsitateko eta graduondoko ikasleen lana balioan jartzeko; izan ere, beren proiektu akademikoen bidez, gizartearentzat eta erakundeentzat benetan garrantzitsuak diren erronkekin konektatzen dute.

Deialdi honek unibertsitatearen eta enpresa-ehunaren arteko lankidetzaren garrantzia azpimarratzen du, ikuspegi akademikotik zorrotzak izateaz gain, ingurune produktibo eta sozialetan benetako eragina sortzen duten proiektuak sustatuz.

Nork har dezake parte?

Deialdia unibertsitate batean 2025eko urriaren 1etik 2026ko irailaren 30era bitartean bere TFG edo TFM aurkeztu duten adin nagusiko pertsonei zuzenduta dago. Sarietara aurkezteko, lanek gutxienez 10etik 8ko kalifikazioa edo baliokidea izan beharko dute, eta lehiaketako kategorietan ezarritako gai-arloetako batekin lerrokatuta egon.

Zer aitortzen da eta nola egituratzen da deialdia

Sariek bost kategoria nagusi dituzte, eraldaketa-arlo estrategikoei lotuak:

• Danobatgroup Saria eraldaketa digitalari.
• Pertsonetan oinarritutako eraldaketaren MONDRAGON Saria.
• Fagor Taldearen eraldaketa energetiko-klimatikoaren Saria.
• MONDRAGON HEALTH Saria osasunaren eta zainketen eraldaketari.
• Finantzak eraldatzeko Laboral Kutxa Saria, sozietatea eraldatzeko.

Horrez gain, hiru sari berezi ere emango dira:

• Ikerlan Saria proiektu berritzaileenari.
• Eika Saria euskarazko proiektu onenari.
• Mundukide Saria gizartean eragin handiena duen proiektuari.

Guztira, deialdiak 12 sari banatzen ditu kategoria nagusietan (kategoria bakoitzean 2.500 €-ko lehen saria eta 1.250 €-ko bigarren saria), eta horiez gain, 2.500 €-ko hiru sari gehigarri sari berezietarako.

Nola eta noiz arte eman izena

Interesdunek Shaking HUBen webgunean gaitutako formularioaren bidez aurkeztu ahal izango dituzte beren lanak. Bertan aurkituko dituzte, halaber, oinarri osoak, kategoriak eta hautagaitza prestatzeko beharrezko informazio guztia. TFG eta TFMak aurkezteko epea 2026ko irailaren 30era arte egongo da zabalik.

Parte hartzearen balioa

TFG–TFM MONDRAGON Sariak sarietan parte hartzea aukera paregabea da talentu gazteak bere ideiei ikusgarritasuna emateko, MONDRAGON ekosistemako enpresa eta erakundeekin harremanak sortzeko eta, aldi berean, bere ibilbide profesional eta akademikoa indartzeko. Aurreko edizioetan saritutako proiektuen benetako eraginak agerian uzten du espazio honek unibertsitatearen eta ehun produktiboaren arteko zubi gisa duen balioa.

Shaking HUBetik talentu gaztearen garapenean interesa duten ikasle, unibertsitate eta pertsona guztiak gonbidatzen ditugu informatzera, parte hartzera eta beren proiektuak aurkeztera.

Xehetasun gehiago eta izen-ematea hemen: TFG–TFM MONDRAGON Sariak 2026.

TFG–TFM MONDRAGON Sariak 2025 sarien 4. edizioak mugarri berri bat jarri du! Aurten, inoizko parte-hartzerik handiena izan dugu: 340 hautagaitza, Estatuko unibertsitate askotatik jasotakoak, eta ekimen hau gazte talentua bultzatzeko erreferentziazko espazio gisa sendotu da.

Bilbon ospatutako Inpaktuday 2025 jardunaldian, 57 finalista eta kooperatibetako 47 profesional bildu ziren, helburu argi batekin: mundu akademikoaren eta enpresaren arteko zubi erreala eraikitzea.

Eguna sormenari, ikaskuntzari eta elkarlanari eskainitako topalekua izan zen. Finalistek aukera izan zuten:

• MONDRAGONen kultura kooperatiboa bertatik bertara ezagutzeko.
• Danobat group, MONDRAGON Corporation, Fagor Taldea, Laboral Kutxa, EIKA, Ikerlan eta MONDRAGON Health-eko profesionaleekin dinamika parte-hartzaileetan aritzeko.
• Beste gazte batzuekin esperientziak, ikuspegiak eta etorkizunerako ideiak partekatzeko.

Arratsaldeak ekitaldirik zirraragarriena gordetzen zuen: sari banaketa, eraldaketa digitala, finantza arduratsuak, osasuna eta zaintza, eraldaketa energetiko-klimatikoa edo inpaktu sozial handiko berrikuntza bezalako arloetan nabarmendu diren 10 proiektu saritu ziren.

2025-eko proiektu irabazleak

Eraldaketa digitalaren Danobatgroup saria: adimen artifiziala, automatizazioa eta robotika

• Lehen saria: Jorge Arboleda Álvarez – AI for the Generation and Modification of Robotic Environments (École Nationale Supérieure de Mécanique et des Microtechniques).
• Bigarren saria: Unai Mintegui del Olmo – Implementation of a Vendor Agnostic Multi-Robot Welding Cell Using ROS2 (Mondragon Unibertsitatea).

Pertsonengan oinarritutako eraldaketaren MONDRAGON saria: talentua, aniztasuna eta inklusioa

• Lehen saria: Jorge Castillo Gutiérrez – Creación de una línea de negocio de carácter escalable en dmillennial rural projects y creación de impacto en el medio rural riojano (Mondragon Unibertsitatea).
• Bigarren saria: Antonio Lara Morcillo – Del estudio de arquitectura al ecosistema cooperativo: Amasce.coop como modelo vivo de transformación socioempresarial (Mondragon Unibertsitatea).

Eraldaketa energetiko-klimatikoaren Fagor Taldea saria: deskarbonizazioa, ekonomia zirkularra eta neutraltasun klimatikoa

• Lehen saria: Danel Madrazo Unanue – Transferentzia bidezko ikaskuntza tekniketan oinarritutako sodio-ioi baterien egoera-algoritmoak (Mondragon Unibertsitatea).
• Bigarren saria: Lander Gómez de la Cruz – Análisis y optimización bio-hidrodinámica mediante CFD de humedales artificiales para el control, tratamiento y reutilización de escorrentía urbana (Euskal Herriko Unibertsitatea).

MONDRAGON HEALTH saria osasunaren eta zaintzaren eraldaketari: osasuna, zaintza soziosanitarioak eta bioteknologia

• Lehen saria: Javier Abasolo Esteban – Desarrollo de Biorreactores para Producción de Biofármacos Personalizados (Mondragon Unibertsitatea).
• Bigarren saria: Ana Vázquez Palomo – Modelo numérico del desarrollo del daño cerebral en la enfermedad de Alzheimer (Universidad de Oviedo).

Finantzak eraldatzeko Laboral Kutxa saria, gizartea eraldatzeko

• Lehen saria: Pilar Clares Cervantes – Integración de autenticación multifactor como capa de seguridad en contratos multifirma sobre blockchain (Universidad Politécnica de Valencia).
• Bigarres saria: Luxi Zhou – Impacto de la Volatilidad del Mercado Inmobiliario en la Hipoteca Inversa (Universidad Carlos III de Madrid).

Ikerlan saria proiektu berritzaileenari

• Sari bakarra: Unai Laskurain Lauzirika – Ikasketa federatu bertikalean ekarpenen kalkulurako pribatutasuna zaintzeko metodo baten garapena (Mondragon Unibertsitatea).

Euskarazko proiektu onenaren Eika saria

• Sari bakarra: Irune Palacios Orueta – Euskarazko Medikuntzaren Domeinuko Lehenengo Corpus Sintetikoaren Sorrera: Metodologia eta Hastapenak (Euskal Herriko Unibertsitatea).

Mundukide saria inpaktu sozial handiena duen proiektuari: Inor atzean utzi gabe

• Sari bakarra: Eugenia Ortega Cueto – Diseño de encaje de prótesis modular de miembro superior para zonas en vías de desarrollo (Deustoko Unibertsitatea).

Eguneko momentu guztiak berriz bizi ahal dituzu 👉Inpaktuday 2025eko galeria