Shaking HUB

Una comunidad abierta promovida por las Cooperativas de MONDRAGON que tiene como objetivo conectar y desarrollar el talento en Inteligencia Artificial para cambiar el mundo. Una comunidad para todas las personas interesadas en Inteligencia Artificial, desde estudiantes a profesionales que investigan o aplican IA en su trabajo.

Mondragon Goi Eskola Politeknikoa

Shaking HUB LIVE – Adimen Artifiziala eta Konputazio Kuantikoa

by

Shaking HUB LIVE hau aukera paregabea izan da Konputazio Kuantikoa eta Adimen Artifiziala enpresa eta teknologia mundua nola iraultzen ari diren ezagutzeko.

Ekitaldian, teknologia hauek segurtasuna, kriptografia eta enpresa-berrikuntza bezalako funtsezko arloetan nola eragiten duten aztertu dugu, sektoreko adituen eskutik<.

🎙️Unai Aseguinolaza, Mondragon Goi Eskola Politeknikoko irakasle ikertzailea, konputazio kuantikoaren bilakaerari buruzko bere ikuspegia ematen.

🎙️Urko Zurutuza, Mondragon Goi Eskola Politeknikoko Ikerketa, Datu Analisi eta Zibersegurtasun Taldeko koordinatzailea, zibersegurtasun arloko erronkak eta aukerak nabarmenduz.

🎙️Marc Manzano, SandboxAQ-ko General Managerra eta Mondragon Unibertsitateko Irakasle Elkartua, Konputazio Kuantikoa segurtasun digitala eraldatzen ari den kasu errealak partekatzen.

Eta nola ez, Maria Ruiz Amurriok, MLAKOOP-eko Business Developer-ak, zuzenekoa moderatu du.

Zuzeneko honi esker, jakin ahal izan dugu nola Adimen Artifiziala eta KonputazioK Kuantikoa etorkizuna birdefinitzen ari diren, eredu praktikoekin eta sektoreko kasu arrakastatsuekin.

Shaking HUB LIVEetan lanean jarraitzen dugu teknologiak mundu errealean duen eragina aztertzen jarraitzeko!

FATECO proiektua: automobilgintzako osagaien nekearen aurreko portaera hobetzea, ingurumena errespetatzen duten akabera-eragiketa berritzaileen bidez

by

FATECO  Mondragon Goi Eskola Politeknikoa (MGEP) buru duen proiektua da, zeinetan helburu nagusia neke-errendimendua eta automobilgintzako funtsezko osagaien tribologia hobetzea den.

Proiektu honen garrantzia osagai horien gainazalaren osotasuna (SI) hobetzean datza, eta horrek akatsen probabilitatea murrizten lagunduko du eta, ondorioz, ibilgailuetako piezen akatsarekin lotutako istripu latzak murrizten.

Gainera, proiektuak ikuspegi berritzaileak erabiltzen ditu, hala nola sare neuronaletan oinarritutako ikaskuntza automatikoko sistema bat garatzea, osagaien portaera aurreikustea ahalbidetuko duena, proba garestien eta luzeen beharra kenduz.

FATECOren lorpen nabarmenetako bat da akabera-eragiketa berri batzuetan lubrifikatzaileak erabat kentzea, prozesua % 100 ekologiko bihurtuz eta ingurumen-inpaktua minimizatuz.